گزشتہ چوبیس گھنٹوں میں کورونا سے مزید 98 افراد انتقال کر گئے

اسلام آباد (92 نیوز) گزشتہ چوبیس گھنٹوں میں کورونا وائرس سے مزید 98 افراد انتقال کر گئے۔ 4 ہزار 974 نئے کیسز بھی رپورٹ ہوئے۔

این سی او سی کے مطابق کورونا سے مجموعی اموات 14 ہزار 532 جبکہ کیسز 6 لاکھ 72 ہزار 931 ہو گئے ۔ گزشتہ چوبیس گھنٹوں میں 50 ہزار سے زائد ٹیسٹ کیے گئے۔ مثبت کیسز کی شرح 9.93 فیصد ہو گئی۔

سندھ میں کورونا سے سب سے زیادہ 2 لاکھ 65 ہزار 680 افراد متاثر ہو چکے ہیں۔ پنجاب میں متاثرین کی تعداد 2 لاکھ 23 ہزار 181 ہو گئی ۔ کے پی میں 88 ہزار 099 ، بلوچستان میں 19 ہزار 576 ، اسلام آباد میں 58 ہزار 557 ، آزاد کشمیر میں 12 ہزار 805  اور گلگت بلتستان میں متاثرین کی تعداد 5 ہزار 033 ہو گئی۔