گجرات، جھونپڑیوں میں رہنے والے نے بیٹے کی شادی پر لیموزین منگوا لی

گجرات ( 92 نیوز ) گجرات میں جھونپڑیوں میں رہنے والے نے بیٹے کی اس شان و شوکت سے شادی کی کہ سبھی دیکھتے رہ گئے ۔کڑیانوالہ پل کے نیچے جھونپڑیوں میں مقیم ہے تو کیا ہوا مگر دل بھی ہے اور خواہش بھی  ، گوگاجھونپڑیوں میں رہتا ہے مگر  بیٹے کی بارات اس دھوم سے نکالی کہ دیکھنے والے دنگ رہ گئے ۔ لیموزین سمیت بیس سے زائد گاڑیوں کے قافلے میں  گلوکار اور ڈھول تاشے سبھی اس بارات کا حصہ تھے ۔ گوگا  غریب آدمی ہے  مگر خواہش تھی  کہ  اس کے بیٹے کی بارات بھی دھوم دھام سے اور نئی چمکتی گاڑیوں میں جائے ۔ لیموزین  سمیت دوسری گاڑیاں اور شان و شوکت دیکھ کر سبھی  حیران  تو تھے ہی مگر جب غریب آدمی نے بیٹے کی شادی میں پیسے لٹائے تو سبھی دیکھتے رہ گئے۔