کے فور منصوبے کا پہلا مرحلہ 2023 تک لٹک گیا

کراچی (92 نیوز)کراچی والوں کیلئے بُری خبر ہے کہ کے 4 منصوبے سے مزید دو سال پانی کی فراہمی ممکن نہیں ہوگی ، منصوبے کا پہلا مرحلہ 2023 تک لٹک گیا ۔

وزارت پانی و بجلی نے منصوبے کی ٹائم لائن وزارت منصوبہ بندی کو ارسال کردی  ، ایکنک کی منظوری کے 3 ماہ بعد رواں سال اپریل تک کنسلٹنٹ کی تقرری کی جائے گی جو جولائی 2021 تک منصوبے کا ڈیزائن پی سی ون اور بڈنگ ڈاکیومنٹس جمع کرائے گا ۔

کے فور پراجیکٹ پر نومبر 2021 تک کام شروع ہونے کا امکان ہے ، واپڈا کو جولائی 2023 تک  20 ماہ میں سول ورک مکمل کرنا ہوگا ، پانی کی  فراہمی کے بڑے منصوبے میں پہلے ہی 18 برس کی تاخیر ہوچکی ہے ۔

پہلے مرحلے کی تکمیل سے کراچی کو یومیہ اضافی 260 ملین گیلن پانی فراہم کیا جائے گا ۔