کے الیکٹرکاور 8سالہ بچے کے اہلخانہ میں معاہدہ طے پاگیا
کراچی ( 92 نیوز) کے الیکٹرک اور 8 سال کے بچے کے اہلخانہ میں معاہدہ طے پاگیا۔
کراچی میں کے الیکٹرک کی غفلت نے سائٹ سپرہائی وے میں 8 سال کے عمر کوزندگی بھر کا پچھتاوا دے دیا ، لٹکتی تاروں میں کرنٹ نے عمر کو دونوں بازوؤں سے محروم کردیا ۔
سندھ ہائیکورٹ میں سماعت کے دوران عدالت کو بتایا گیا کہ کے الیکٹرک اور متاثرہ بچے کے اہلخانہ کے درمیان معاہدہ طے پاگیا ، کمپنی متاثرہ اہلخانہ کو 25 ہزار روپے ماہانہ ادا کرے گی ، جس میں سالانہ 5 فیصد اضافہ بھی کیا جائے گا ۔
سندھ ہائیکورٹ نے کے الیکٹرک کو ماہانہ 300 یونٹس کے برابر رقم بھی ادا کرنے اور بچے کا مکمل علاج کرانے کا حکم دیا ، عدالت نے تفتیشی افسر کو معاہدہ ماتحت عدالت میں پیش کرنے کی ہدایت کی اور کہا کہ عدالتی حکم سینیٹ کی کارروائی پر اثر انداز نہیں ہوگا ۔
دوسری جانب سندھ ہائیکورٹ نے کے الیکٹرک کے گرفتار 7 افسران کی ضمانت منظور کرلی ۔