کے الیکٹرک کا 17 گھنٹے بعد شہر کی بجلی مکمل بحال ہونے کا دعویٰ
کراچی (92 نیوز) کے الیکٹرک نے 17 گھنٹے بعد شہر کی بجلی مکمل بحال ہونے کا دعویٰ کردیا۔
ترجمان کے الیکٹرک کے مطابق کراچی کے تمام رہائشی اور کمرشل فیڈرز سے خرابی دور کردی گئی، بجلی کی بلا تعطل فراہمی جاری ہے۔
ادھر دوسری جانب اولڈ سٹی ایریا میں تاحال بجلی بحال نہ ہوسکی۔ رنچھوڑ لائن، ملت نگر، گارڈن، شومارکیٹ، لیاری سمیت دیگر علاقوں میں بجلی غائب ہے۔