کیٹیگری 4 کا طوفان ’’ آئیڈا ‘‘ امریکی ریاست لوزیانا سے ٹکرا گیا

لوزیانا (92 نیوز) امریکا انتہائی شدید سمندری طوفان کی زد میں ہے، کیٹیگری 4 کا طوفان ’’ آئیڈا ‘‘ امریکی ریاست لوزیانا سے ٹکرا گیا۔

خبر ایجنسی کے مطابق علاقے میں تیز بارشوں کے ساتھ 150 میل فی گھنٹہ کی رفتار سے ہوائیں چل رہی ہیں۔ بدترین موسم کی وجہ سے ہزاروں افراد کو علاقے سے نکال لیا گیا ہے۔

اس وقت امریکی ریاست لوزیانا میں 5 لاکھ سے زائد افراد بجلی سے محروم ہیں، لوزیانا کے گورنر نے لوگوں کو طوفان کے باعث گھروں میں رہنے ا ور تحمل کا مظاہرہ کرنے کا کہا ہے۔