کینڈین ہائی کمیشن کے فرسٹ سیکرٹری کا دی یونیورسٹی آف فیصل آباد کا دورہ

 فیصل آباد (92 نیوز) دی یونیورسٹی آف فیصل آباد اب کینیڈا کی مختلف جامعات کے ساتھ تعلیمی روابط استوار کرے گی۔ اسی سلسلے میں کینڈین ہائی کمیشن کے فرسٹ سیکرٹری نے یونیورسٹی کا دورہ بھی کیا۔ بین الاقوامی تعلیمی اداروں کے ساتھ روابط بڑھانے میں دی یونیورسٹٰی آف فیصل آباد ایک قدم اور آگے بڑھ گئی۔ اب طلبا ریسرچ کرنے کینیڈا کی مختلف جامعات کا رخ کر سکیں گے۔ یہی پیغام عام کرنے اسلام آباد سے کینیڈین ہائی کمیشن کے فرسٹ سیکرٹری مسٹر ریڈ کوپر دی یونیورسٹی آف فیصل آباد  چلے آئے۔ جامعہ کے وائس چانسلر پروفیسر ڈاکٹر شوکت اور فیکلٹی ممبران سے ملاقات کی۔ اس موقع پر وائس چانسلر یونیورسٹی آف فیصل آباد کا کہنا تھا کہ کینیڈا کے تعلیمی اداروں کے ساتھ روابط بڑھانے سے ریسرچ کو فروغ ملے گا۔ ملک کا نام روشن ہو گا۔ دورے کے دوران کینیڈین ہائی کمیشن کے فرسٹ سیکرٹری نے طلبا کے ریسرچ پراجیکٹ کو خوب سراہا۔ انہوں نے مختلف شعبہ جات اور انفراسٹرکچر کا وزٹ کیا اور جامعہ کے احاطے میں پودا بھی لگایا۔