کیلیفورنیا : ڈیم میں برفباری اور پانی کا راستہ رکنے سے سیلاب آگیا

نیواڈا(ویب ڈیسک)امریکا کے مختلف علاقوں میں شدید برفباری کا سلسلہ جاری ہےنیواڈا میں موجود ایک ڈیم میں برفباری اور پانی کا راستہ جمنے سے سیلاب آگیا جس سے ذرائع آمدورفت شدید متاثرہوئے ہیں۔ تفصیلات کےمطابق امریکی ریاستوں کیلی فورنیا اور نیواڈا کے پہاڑی سلسلوں میں ایک بار پھر برفباری  کا سلسلہ شروع ہوگیا متاثرہ علاقوں میں موجود راستوں کو عارضی طور پر بند کردیا گیا ہے  یہاں موجود دریائے یوبا اور ساؤتھ فارک کے علاقوں میں ڈیم کی وجہ سے سیلاب آگیا۔ حکام کا کہنا ہے کہ یہ سیلاب پانی نکلنے کا راستہ جمنے سے آیا اور اس سے آبادیوں کو کوئی خطرہ نہیں ، ڈیم میں پانی کا  راستہ بحال کرنے کے لیے بھاری مشینری اور امدادی ٹیمیں موقع پر پہنچ گئی ہیں ۔ ایمرجنسی سروسز ڈیم میں سے برف ہٹانے اور پانی کو راستہ دینے  میں مصروف ہیں۔