کیلیفورنیا میں ٹیک آف کے دوران چھوٹے طیارے میں آگ بھڑک اٹھی

کیلیفورنیا ( 92 نیوز) امریکا کی ریاست شمالی کیلیفورنیا میں اوروول ائیر پورٹ پر ایک چھوٹے طیارے کو ٹیک آف کے دوران پھسلنے  سے آگ لگ گئی۔ غیر ملکی خبر رساں ادارے کے مطابق فیڈرل ایوی ایشن کے ترجمان آئن گریگر کا کہنا ہے کہ پائلٹ نے نامعلوم وجوہات کی بنا پر طیارے کو ٹیک آف کیا تو طیارہ سوکھی گھاس میں پھسل گیا اور اسے آگ لگ گئی۔ اوروول کے پولیس چیف نے بتایا کہ طیارے پر سوار تمام 8 مسافروں اور 2 پائلٹس کو بچا لیا گیا۔ طیارہ اوروول سے اوریگان میں پورٹ لینڈ ائیرپورٹ جا رہا تھا۔