کیربیئنز پریمیئر لیگ،ڈی جے براوو کے 5گیندوں پر 5چھکے
کیربئین( 92 نیوز) کیربیئنز پریمیئر لیگ میں ڈی جے براوو حریف باؤلرز پر خوب گرجے برسے ، ویسٹ انڈین بلےباز نے مخالف باؤلر جوزف کے ہوش اڑا دیئے ۔ اسٹار بلےباز نے مسلسل پانچ گیندوں پر پانچ چھکے لگائے۔
کیربیئنز پریمیئر لیگ میں ڈی جی براوو نے باؤلر ز پر لاٹھی چارج کرڈالا ، ایسا بلا چلایا کہ چھکے پر چھکا لگایا۔
اسٹار بلے باز نےحریف بولر کے ہوش اڑائے ،پانچ گیندوں پر مسلسل پانچ چھکے لگائے ، براوو نے 11 گیندوں پر 37 رنز کی شاندار اننگز کھیلی ۔
رہی سہی کسر کولن منرو نے پوری کردی ،منرو نے پچاس گیندوں پانچ چھکوں اور تین چوکوں کی مدد سے 76 رنز جوڑے ۔
ٹرنبیگو نائٹ رائیڈرز نے پہلے کھیلتے ہوئے 4 وکٹوں پر 199 رنز بنائے ، جواب میں سینٹ کٹس کی ٹیم مقررہ 20 اوورز میں 8 وکٹوں پر 153 رنز ہی بنا پائی ،فاتح ٹیم کی جانب سے فلپ نے سب سے زیادہ تین کھلاڑیوں کا شکار کیا۔