کھپرو کی سفر کالونی میں بارش کے پانی کی عدم نکاسی سے علاقہ مکین شدید مشکلات کا شکار
کھپرو ( 92 نیوز) کھپرو شہر کی سفر کالونی میں بارش کےپانی کی عدم نکاسی نے شہریوں کی زندگی اجیرن کرکے رکھ دی ہے،گھروں میں 5سے 6فٹ تک پانی موجود ہے۔
کھپرو کی سفر کالونی کے گھروں میں 5سے 6فٹ پانی، مکین دربدر،کوئی پرسان حال نہیں ، سفر کالونی کے مکین کھلے آسمان تلے بے یارومدد گار بیٹھے ہیں ، ان آفت زدہ افراد کے پاس نہ کھانے کوکچھ ہے نہ پینے کا پانی میسر ہے۔
متاثرین نے ضلعی انتظامیہ اور سندھ حکومت سے مطالبہ کیا ہے کہ انہیں فوری طور پر ریسکیو کرکے ضروریات زندگی مہیا کی جائیں۔