کھوکھر برادران نے ظلم کا سامنا کیا لیکن نواز شریف سے بے وفائی نہیں کی ، مریم نواز

لاہور (92 نیوز) مسلم لیگ ن کی نائب صدر مریم نواز نے کہا کھوکھر برادران نے ظلم کا سامنا کیا لیکن نواز شریف سے بے وفائی نہیں کی۔

کھوکھر برادران جماعت کا بہت بڑا سرمایہ ہیں۔ ظلم و انتقام کا سامنا کیا مگر نا پیچھے ہٹے نا ہی نواز شریف سے بےوفائی کی۔ شاباش ! https://t.co/xZnkuektOw

— Maryam Nawaz Sharif (@MaryamNSharif) January 24, 2021

مریم نواز کا کہنا ہے ایک قانون طاقت ور کیلئے ہے، جو بنی گالا کے ناجائز محل کو قانونی بنا دیتا ہے۔ دوسرا قانون مخالفوں کیلئے ہے جس سے اپوزیشن کے گھر محفوظ نہیں۔ ظلم حد سے بڑھتا ہے تو مٹ جاتا ہے۔ وفا نواز شریف کے جرم میں انتقام کا نشانہ بننے والے سب ساتھیوں کو سلام ، ہر ظلم کا حساب ہو گا۔

 ادھر سعد رفیق نے کہا ایل ڈی اے کی کارروائی سیاسی انتقام ہے۔ کھوکھر برادران شریف خاندان کے ساتھی ہیں۔ بس ان کا جرم یہ ہے کہ جمہوریت کے ساتھ کھڑے ہیں۔ حکم امتناعی کے باوجود گھر گرانے والوں کو حساب دینا ہو گا۔