کولوراڈو میں شدید برفباری سے گرمی کا زور ٹوٹ گیا

کولوراڈو ( 92 نیوز) امریکی ریاست کولوراڈو میں موسم نے اچانک کروٹ بدل لی، شدید برفباری کے باعث کئی علاقوں نے برف کی سفید چادر اوڑھ لی۔

کینیڈا کی طرف سے خون جما دینے والی ہواؤں کی انٹری کے ساتھ امریکی ریاست کولوراڈو میں موسم نے اچانک کروٹ بدل لی ، ایک دن پہلے تک گرمی سے پناہ مانگنے والے شہری برفباری سے لطف اندوز ہونے لگےْ

میڈیا رپورٹس کے مطابق ریاستی دارالحکومت ڈینور کے درجہ حرارت میں صرف ایک روز کے دوران33 سینٹی گریڈ کی کمی واقع ہوئی ہے ، درجہ حرارت34 سے گر کر 1.6 سینٹی گریڈ پرآ گیا ہے۔

شدید برفباری  کے باعث کولوراڈو کے کئی علاقوں نے برف کی سفید چادر اوڑھ لی، موسم کی تبدیلی نے جہاں شہریوں کو خوشگوار حیرت میں مبتلا کر دیا ہے، وہیں مختلف علاقوں میں جنگلات کی آگ بجھانے میں مصروف فائر فائٹرز کو بھی سکون کا سانس نصیب ہوا ہے۔