کورونا وائرس سے مزید 33افراد جاں بحق، 2050 نئے کیسز سامنے آگئے
اسلام آباد (92 نیوز) پاکستان میں کورونا کیسز میں روز بروز اضافہ ہونے لگا ، گزشتہ 24 گھنٹوں میں 33 اموات ، 2050 نئے کیسز سامنے آئے ۔ملک بھر میں 1447 مریضوں کی حالت تشویشناک ہے،گزشتہ روز 29 ہزار 378 افراد کے ٹیسٹ کیے گئے ۔
نیشنل کمانڈ اینڈ آپریشن سنٹر کے مطابق گذشتہ روز کورونا کے 2050 نئے کیسز رپورٹ جبکہ 33 افراد جاں بحق ہوگئے ،اموات کی مجموعی تعداد 7 ہزار 193 ہو گئی ، تشویشناک کیسز کی تعداد 1 ہزار 447 جبکہ صحتیاب ہونے والے مریضوں کی تعداد 3 لاکھ 24 ہزار 834 ہوگئی ۔
ترجمان کا کہنا ہے ملک بھر میں کورونا وائرس کے مریضوں کی تعداد 3 لاکھ 61 ہزار 82 تک پہنچ گئی، سندھ میں مریضوں کی تعداد ایک لاکھ 56 ہزار 528 ، پنجاب میں 1 لاکھ 11 ہزار 47 ، خیبر پختونخوا میں 42 ہزار 615، بلوچستان میں 16 ہزار 449 ، اسلام آباد میں 24 ہزار 444 ، آزاد جموں و کشمیر میں 5 ہزار 538 اور گلگت بلتستان میں 4 ہزار 461 ہے ۔
ترجمان کے مطابق گذشتہ روز 29 ہزار 378 افراد کے ٹیسٹ کیے گئے ، ملک بھر میں اب تک 49 لاکھ 79 ہزار 939 افراد کے ٹیسٹ کیے جا چکے ہیں ، 735 اسپتالوں میں کورونا مریضوں کے لیے سہولیات دستیاب ہیں ۔