کورونا کی دوا ری میڈیسویر کی چند ہفتوں میں پاکستان میں تیاری شروع ہوجائیگی

اسلام آباد (92 نیوز) کورونا کے مریضوں کیلئے اچھی خبر ہے، امریکی کمپنی کا دوا بنانے کا دعویٰ۔ ری میڈیسویر کی چند ہفتوں میں پاکستان میں تیاری شروع ہوجائے گی۔ ایک دوا ساز کمپنی کو لائسنس بھی جاری کردیا گیا۔ معاون خصوصی ڈاکٹر ظفر مرزا نے مشیر تجارت رزاق دائود اور کمپنی کے سی ای او عثمان خالد کے ہمراہ اسلام آباد میں پریس کانفرنس کی۔ ان کا کہنا تھا کہ کورونا وائرس کی ابھی ویکسین ہے نہ کوئی مستند علاج ہے۔ جو دوا امریکی کمپنی نے تیار کی اسکےاستعمال سے مرض کی شدت میں 30 فیصد کمی آئی ہے۔ مشیر تجارت رزاق داود نے کہا کہ پاکستان یہ دوا  127ممالک کو برآمد بھی کرسکے گا۔ کمپنی کے چیف ایگزیکٹو آفسر عثمان خالد نے بتایا کہ امریکی کمپنی کیساتھ معاہدہ ہوگیا ہے۔ خام مال کی دستیابی کے بعد دوا تیار کی جائے گی۔ معاون خصوصی نے بتایا کہ آئندہ آنے والے دنوں میں کورونا کے مریضوں کی تعداد بڑھنے کا امکان ہے۔ کورونا وباء کیخلاف صف اول میں لڑنے والے ڈاکٹرز، نرسز، پیرامیڈیکل کا تحفظ ناگزیر ہے۔ ہیلتھ ورکرز کیلئے پہلا ٹریننگ پروگرام شروع کر رہے ہیں۔