کورونا کا پھیلاؤ روکنے کا واحد حل اسمارٹ لاک ڈاؤن ہے، وزیر اعظم

اسلام آباد (92 نیوز) وزیر اعظم عمران خان کہتے ہیں کورونا کا پھیلاؤ روکنے کا واحد حل اسمارٹ لاک ڈاؤن ہے، مکمل لاک ڈاؤن سے غریب آدمی متاثر ہوگا۔

وزیر اعظم عمران خان کا کہنا ہے کہ پاکستانی حکومت اسمارٹ لاک ڈاؤن کے بانیوں میں شامل ہے، ایس او پیز کے ساتھ معاشی سرگرمیوں کی اجازت ہوتی ہے، علما، میڈیا، سول سوسائٹی اور ٹائیگر فورس عوام کو آگاہی دیں۔

انہوں نے مزید کہا کہ ہمارے لوگ کورونا وائرس کی وباء کو سنجیدگی سے نہیں لے رہے اور دوسری طرف واضح طور پر ہمارے فرنٹ لائن ڈاکٹر اور معاون طبی عملہ ہے جن کی زندگیوں کو کورونا وباء سے بہت زیادہ خطرہ ہے۔