کورونا وائرس سے پوری دنیا متاثر، برآمدات اور ترسیلات زر متاثر ہوئیں ، مشیر خزانہ
اسلام آباد ( 92 نیوز) مشیر خزانہ ڈاکٹر عبدالحفیظ شیخ نے کہا کہ کورونا وائرس سے پوری دنیا متاثر ہے ، وباء کی وجہ سے برآمدات اور ترسیلات زر متاثر ہوئی ہیں ، حکومت نے غریب طبقے کیلئے کورونا ریلیف فنڈ قائم کیا ہے ۔
مشیر خزانہ نے بتایا کہ بجٹ بناتے وقت مشکل فیصلے کئے گئے ، پاکستان میں اسلامی بینکنگ تیزی سے فروغ پا رہی ہے ، پائیدار ترقی اہداف کے حصول کیلئے پرعزم ہیں ، پاکستان اور ترکی کے درمیان مختلف شعبوں میں گہرے تعلقات ہیں ۔