کورونا وائرس سے مزید 57افراد جاں بحق، 4767 کیسز رپورٹ

اسلام آباد (92 نیوز) پاکستان میں کورونا ایک دن میں 57 جانیں نگل گیا ، 4 ہزار 767 نئے مریضوں میں کورونا کی تشخیص ہوئی ۔

نیشنل کمانڈ اینڈ آپریشن سنٹر کے مطابق گزشتہ روز کورونا کے 4 ہزار 767 نئے کیسز سامنے آئے جبکہ 57 افراد جاں بحق ہوگئے ، جس کے بعد اموات کی مجموعی تعداد 14 ہزار 215 تک پہنچ گئی ۔

ملک بھر میں کورونا وائرس کے متاثرین  کی تعداد 6 لاکھ 54 ہزار 591 تک پہنچ گئی ، سندھ میں 2 لاکھ 64 ہزار 607 ، پنجاب میں 2 لاکھ 12 ہزار 918 ، خیبر پختونخوا میں 84 ہزار 609 ،  بلوچستان میں 19 ہزار 497 ،  اسلام آباد میں 55 ہزار 594 ،  آزاد جموں و کشمیر میں 12 ہزار 367 اور گلگت بلتستان میں 4 ہزار 999 افراد کورونا وائرس سے متاثر ہوئے ۔

این سی او سی حکام کا کہنا ہے کہ کورونا کو شکست دینے والوں کی شرح کم ہونے لگی ، گزشتہ 24 گھنٹوں میں کورونا سے صحت یاب ہونے والوں کی شرح 91.0 فیصد رہی، اب تک 5 لاکھ 95ہزار 929 مریض صحتیاب ہوچکے ہیں ۔

ترجمان کا کہنا ہے کہ ملک بھر میں فعال  کیسز کی تعداد 44 ہزار 447 ہے ، سندھ میں 4 ہزار 445 ، پنجاب میں 22 ہزار 392 ،  خیبر پختونخوا   میں 7 ہزار 856 ،  اسلام آباد میں 8 ہزار 120 ، گلگت بلتستان 37 ، بلوچستان 263 اور آزاد کشمیر میں کورونا کے 1 ہزار 334 فعال کیسز ہیں ۔

ملک بھر میں اب تک ایک کروڑ 21 ہزار 70 کورونا ٹیسٹ کیے جاچکے ہیں۔