Sunday, May 12, 2024

کورونا سے مزید 42 پاکستانی چل بسے، 3 ہزار 876 مثبت کیسز رپورٹ

کورونا سے مزید 42 پاکستانی چل بسے، 3 ہزار 876 مثبت کیسز رپورٹ
March 20, 2021

اسلام آباد (92 نیوز) ملک بھر میں کورونا کے وار جاری ہیں، وائرس سے ایک دن میں مزید 42 افراد جاں بحق ہوگئے جبکہ 3 ہزار 876 مثبت کیسز رپورٹ ہوئے ہیں۔ متاثرین کی تعداد 6 لاکھ 23 ہزار 135 ہوگئی ہے۔

نیشنل کمانڈ اینڈ آپریشن سینٹر کے اعداد و شمار کے مطابق گزشتہ 24 گھنٹوں کے دوران 40 ہزار 946 کورونا ٹیسٹ کئے گئے، جس کے بعد مجموعی کورونا ٹیسٹس کی تعداد 97 لاکھ 32 ہزار 33 ہوگئی ہے۔ ملک بھر میں مزید 3 ہزار 876 مثبت کیسز رپورٹ ہوئے ہیں۔ کورونا کے مریضوں کی تعداد 6 لاکھ 23 ہزار 135 ہوگئی ہے۔

اعداد و شمار کے مطابق اب تک سندھ میں 2 لاکھ62 ہزار 796، پنجاب میں ایک لاکھ 95 ہزار 087، خیبر پختونخوا میں 78 ہزار 653، اسلام آباد میں 50 ہزار 843، بلوچستان میں 19 ہزار 306، آزاد کشمیر میں 11 ہزار 483 اور گلگت بلتستان میں 4 ہزار 967 افراد میں کورونا وائرس کی تشخیص ہوئی ہے۔

ملک بھر میں کورونا کے فعال مریضوں کی تعداد29ہزار 576 ہے۔ جب کہ 2 ہزار سے زائد مریضوں کی حالت تشویشناک ہے۔24 گھنٹوں کے دوران ملک بھر میں کورونا سے مزید 42 افراد جاں بحق ہوگئے ہیں جس کے بعد اب اس وبا سے جاں بحق ہونے والے افراد کی تعداد مجموعی طور پر 13 ہزار 799 ہوگئی ہے۔ ایک ہزار 446 مریض صحت یاب ہوئے جس کے بعد صحت یاب ہونے والے مریضوں کی تعداد 5 لاکھ 79 ہزار 760 ہوگئی ہے۔