کورونا سے ایک روز میں مزید 37 مریض جاں بحق

نیشنل کمانڈ اینڈ آپریشن سنٹر کے مطابق گزشتہ روز کورونا کے 3 ہزار 795 نئے کیسز رپورٹ جبکہ 37 افراد جاں بحق ہوگئے ، اموات کی  مجموعی تعداد 8 ہزار 398 ہوگئی، ترجمان کے مطابق تشویشناک کیسز کی تعداد 2 ہزار 539 جبکہ صحتیاب ہونے والے مریضوں کی تعداد 3 لاکھ 56 ہزار 542ہوگئی ۔

ترجمان کا کہنا ہے ملک بھر میں کورونا وائرس کے مریضوں کی تعداد 4 لاکھ 20 ہزار 294 تک پہنچ گئی ، سندھ میں مریضوں کی تعداد ایک لاکھ 84 ہزار 486 ، پنجاب میں 1 لاکھ 23 ہزار 762 ، خیبرپختونخوا  میں 49 ہزار 676 ، بلوچستان میں 17 ہزار 466 ، اسلام آباد میں 32 ہزار 816 ، آزاد جموں و کشمیر میں 7 ہزار 356 اور گلگت بلتستان میں 4 ہزار 732 ہے ۔

ترجمان کے مطابق گذشتہ روز 39 ہزار 76 افراد کے  ٹیسٹ کیے گئے ، ملک بھر میں اب تک 57 لاکھ 94 ہزار 942 افراد کے ٹیسٹ کیے جا چکے ہیں ، ملک بھر کے 617 اسپتالوں میں کورونا مریضوں کے لیے سہولیات دستیاب ہیں جبکہ 2 ہزار 932 مریض اسپتالوں میں زیر علاج ہیں ۔

سندھ گورنمنٹ اسپتال نیوکراچی کے ڈاکٹر وارث کورونا کا شکارہوکر جاں بحق ہوگئے،سندھ میں کورونا کے خلاف جنگ لڑنے والے جاں بحق ڈاکٹروں کی تعداد 40 ہو گئی۔