کوئی وزیر اعظم خود اعتماد کا ووٹ نہیں لے سکتا، شاہد خاقان عباسی ،احسن اقبال

اسلام آباد (92 نیوز) مسلم لیگ ن کے رہنما احسن اقبال اور شاہد خاقان عباسی نے پارلیمنٹ ہاؤس کے باہر میڈیا سے گفتگو کرتے ہوئے کہا کہ کوئی وزیر اعظم خود اعتماد کا ووٹ نہیں لے سکتا۔

مسلم لیگی رہنماؤں کا کہنا تھا عمران خان اسی دن اکثریت کھو چکے تھے  جس دن ان کا وزیر خزانہ ہارا تھا،قومی اسمبلی اجلاس کا نوٹی فکیشن رات کے اندھیرے میں جاری ہوا،  غیر آئینی و غیر قانونی اجلاس بلا کر عوام کو دھوکا دیا، صدر، وزیراعظم، اسپیکر غیر قانونی اجلاس میں  ملوث ہیں، عوام کا میدان حاضر ہے آؤ ہم سے مقابلہ کرو۔

شاہد خاقان عباسی نے کہا کہ حق کی آواز بدمعاشی سے نہیں دبے گی،  بدمعاشی کی سیاست ملک میں نہیں چلے گی،  ان چوروں کا ہر فورم پر مقابلہ کرنا ہے۔