کوئٹہ ڈسٹرکٹ جیل میں قیدیوں سے روابط رکھنے پر 15 وارڈن معطل
کوئٹہ (92 نیوز) کوئٹہ کی ڈسٹرکٹ جیل میں قیدیوں سے روابط رکھنے پر 15 وارڈن معطل کردئیے گئے۔ ڈیڑھ سو وارڈنز کا دیگرجیلوں میں تبادلہ کردیا گیا۔
سپرنٹنڈنٹ ڈسٹرکٹ جیل سلیم ترین کا کہنا ہے کہ جیل میں گرینڈ آپریشن کے بعد موبائل فون کے استعمال، ٹی وی دیکھنے اور قیدیوں کے خود کھانا پکانے پر بھی پابندی لگادی گئی۔
سپرٹنڈنٹ ڈسٹرکٹ جیل کوئٹہ کے مطابق قیدیوں کو سونے کیلئے صرف ایک بستر رکھنے کی اجازت ہوگی۔ جیل سے 59 قیدیوں کو مچھ اور ژوب جیل منتقل کردیا گیا، قیدی جیل انتظامیہ کیلئے مسائل کھڑے کررہے تھے۔