کوئٹہ میں ڈبل روڈ پر پولیس کی گاڑی کے قریب دھماکا ، ایک اہلکار شہید
کوئٹہ (92 نیوز) کوئٹہ میں ڈبل روڈ پر پولیس کی گاڑی کے قریب دھماکا ہوا جس میں ایک پولیس اہلکار شہید اور چار اہلکاروں سمیت دس افراد زخمی ہو گئے۔
دہشت گردوں کا کوئٹہ کے امن پر پھر وار ہوا۔ ڈبل روڈ پر پولیس کی گاڑی کو نشانہ بنایا۔ دھماکے میں ایک اہلکار شہید جبکہ چار اہلکار اور ایک خاتون سمیت دس افراد زخمی ہو گئے۔
دھماکے سے دو قریبی دکانوں کو بھی نقصان پہنچا اور تین گاڑیوں کو آگ لگ گئی۔
ڈی آئی جی عبدالرزاق چیمہ نے دھماکے کے مقام کا دورہ کیا اور کہا پولیس ٹیم پٹرولنگ پر تھی، موٹرسائیکل میں نصب دھماکا خیز مواد پھٹ گیا۔
