کوئٹہ میں چرچ پر حملہ کرنیوالوں کی شناخت کیلئے نادرا سے رابطہ کرلیا گیا
کوئٹہ ( 92 نیوز ) کوئٹہ میں چرچ پر خود کش حملہ کرنے والوں کی شناخت کیلئے نادرا سے رابطہ کر لیا گیا ۔
دہشت گردوں کے ڈی این اے ٹیسٹ کیلئے بھی نمونے حاصل کر لیے گئے ہیں ۔
اسپتالوں میں متعدد زخمیوں کو طبی امداد کے بعد فارغ کر دیا گیا ہے جبکہ 30 سے زائد زخمی اب بھی مختلف اسپتالوں میں زیرعلاج ہیں ۔
حملے کے بعد میتھو ڈسٹ چرچ سے منسلک سڑک تاحال بند ہے ۔ جہاں تحقیقاتی اداروں کے اہلکار شواہد اکٹھے کرنے میں مصروف ہیں ۔ حملہ آوروں کی شناخت کیلئے ڈی این اے کے نمونے بھی حاصل کرلئے گئے۔
چرچ حملے کے خلاف وکلاء تنظیموں کی جانب سے آج بلوچستان بھر میں عدالتوں کا بائیکاٹ کیا گیا ہے ۔ کوئٹہ شہر میں سیکورٹی بھی بڑھا دی گئی ہے۔