کوئٹہ میں دھماکا، چار پولیس اہلکار شہید ، 11افراد زخمی
کوئٹہ ( 92 نیوز) کوئٹہ میں سیٹلائٹ ٹاؤن کی منی مارکیٹ میں دھماکاہوا جہاں چار پولیس اہلکار شہید جبکہ تین اہلکاروں سمیت 11 افراد زخمی ہو گئے ۔ دھماکے کے نتیجے میں کئی گاڑیاں بھی تباہ ہوئیں ۔
پولیس کے مطا بق کوئٹہ میں نواحی علاقے سیٹلائٹ ٹاون منی مارکیٹ میں مسجد کے باہر کھڑی موٹرسائیکل میں دھماکا خیز مواد نصب کیا گیا تھا۔
دھماکے کے نتیجے میں مسجد کے باہر سکیورٹی پر مامور محمد اسحاق، غلام نبی ، ذوالفقار اور مشتاق شاہ شہید ہو گئے ، زخمیوں کو فوری طور پر سول اسپتال منتقل کیا گیا جہاں ٹراما سینٹر میں زخمیوں کو طبی امداد فراہم کی گئی ۔