کمیونسٹ پارٹی کے ریٹائرڈ سینئر رہنما کو بدعنوانی کے الزام میں عمر قید کی سزا
بیجنگ(ویب ڈیسک)چین کی کمیونسٹ پارٹی کے ریٹائرڈ سینئر رہنما کو بدعنوانی کے الزام میں عمر قید کی سزا سنادی گئی ۔
تفصیلات کے مطابق چین میں کرپشن کے خلاف کریک ڈاؤن جاری ہے اور ژاو یونگ کانگ اب تک سزا پانے والے کمیونسٹ پارٹی کے سب سے سینئر رہنما ہیں، وہ کئی عہدوں پر فائز رہے، جن میں ملک کے سکیورٹی چیف کا عہدہ بھی شامل ہے۔
چینی میڈیا کے مطابق ژاو یونگ پر پانچ انتہائی خفیہ دستاویزات کو غیر متعلقہ شخص کو دینے کا الزام تھا اس کے علاوہ ان پر اختیارات کے ناجائز استعمال اور دوکروڑ ڈالر سے زائد رشوت لینے کا جرم بھی ثابت ہوگیا۔
ژاو یونگ کانگ نے عدالت میں اعتراف جرم کیا اور کہا کہ وہ فیصلے کے خلاف اپیل نہیں کریں گے۔
