کم جونگ اُن نے امریکا کو اپنا سب سے بڑا دشمن قرار دیدیا
سیول (92 نیوز) شمالی کوریا کے رہنما کم جونگ اُن نے امریکا کو اپنا سب سے بڑا دشمن قرار دے دیا۔
پارٹی ممبران سے خطاب کرتے ہوئے شمالی کورین رہنماء کا کہنا تھا کہ امریکا کا صدر کوئی بھی ہو شمالی کوریا سے متعلق امریکی پالیسی میں تبدیلی نہیں آتی۔
اس موقع پر کم جونگ اُن نے پارٹی رہنماؤں کو سامراجی نظام کے مخالفین کیساتھ تعلقات بہتر بنانے اور جوہری صلاحیت میں اضافے پر کام جاری رکھنے کی ہدایت کی۔
امریکا کی جانب سے شمالی کورین رہنماء کے بیان پر تاحال کوئی رد عمل سامنے نہیں آیا۔
