کشمیریوں کی مدد کرتے رہیں گے،وزیر اعظم شاہد خاقان عباسی

مظفر آباد (92 نیوز) آزاد جموں و کشمیر اسمبلی اور کشمیر کونسل کا مشترکہ اجلاس مظفر آباد میں ہوا ۔
وزیر اعظم شاہد خاقان عباسی نے اجلاس سے خطاب میں کہا کہ کشمیریوں کی مدد جاری رکھیں گے ۔ عالمی برادری بھارت پر انسانی حقوق کے احترام کیلئے دباؤ ڈالے ۔ انہوں نے کہا کہ مودی سرکار کچھ نہیں کرسکتی ۔ مودی سرکاری کو معلوم ہے اب کوئی اور حل نہیں ہے ۔ ہم بٹے بھی رہیں کشمیریوں کیلئے کوششوں میں نہیں آئیگی ۔
وزیر اعظم شاہد خاقان نے کہا کہ کشمیریوں کا جذبہ کوئی ختم نہیں کرسکتا ۔ پاکستان مسئلہ کشمیر کے پرامن حل کیلئے ہمیشہ سے کوشاں ہے ۔
شاہد خاقان عباسی نے کہا کہ ہماری حکومت آئی تو پریشر دباؤ تھا کہ کشمیر کی حکومت کو ہٹایا جائے لیکن ہم نے نہیں کیا ۔
وزیر اعظم نے کہا کہ وفاقی حکومت کی کشمیر الیکشن میں کوئی مداخلت نہیں تھی ۔ کشمیریوں کی مدد پہلے بھی کرتے تھے آگے بھی کرتے رہینگے ۔ جہاں ساری دنیا فیل ہوئی وہاں پاکستان کی افواج نے فتح حاصل کی ۔ پاکستان کی افواج نے دہشتگردی کیخلاف سب سے بڑی جنگ لڑی ۔
سی پیک کے حوالے سے بات کرتے ہوئے شاہد خاقان عباسی نے کہا کہ ہمیں سی پیک سے براہ راست کوئی فائدہ نہیں ۔ وزیراعظم میاں نواز شریف کی ذاتی کوششوں سے سی پیک پاکستان میں شامل ہوا ۔ آزاد کشمیر کا ترقیاتی بجٹ موجودہ حکومت نے دگنا کر دیا ۔
وزیراعظم نے کہا کہ ان بہن بھائیوں کا درد معلوم ہے جو آزادی کی جنگ لڑ رہے ہیں ۔ کشمیر کے مسئلے پر اکٹھے ہو کر مقابلہ کرنا ہو گا ۔ کشمیر کیلئے 70سال سے جنگ لڑ رہے ہیں ۔ حکومت کو مشکلات، شکایات رہتی ہیں، لیکن اس مسئلے پر ایک دوسرے پر شک کرنا چھوڑ دیں ۔ آج کشمیر کا بچہ بچہ آگے بڑھ رہا ہے ۔
ادھر صدر ممنون حسین بولے عالمی برادری بھارت کو جنگی جرائم سے روکے ۔