کشمیر کی صورتحال کا قریب سے جائزہ لے رہے ہیں، امریکی وزیر خارجہ
واشنگٹن ( 92 نیوز) امریکا نے بھارت کی جانب سے مقبوضہ کشمیر کی خصوصی حیثیت ختم کرنے پر تشویش کا اظہارکیا ہے ۔امریکی محکمہ خارجہ کا کہنا ہے کہ کشمیر کی صورتحال کا قریب سے جائزہ لے رہے ہیں ، اقوام متحدہ کا کہنا ہے کشمیر کا خصوصی تشخص ختم کرنے کا اعلان تشویشناک ہے، پاکستان اور بھارت تمام تصفیہ طلب مسائل بات چیت کے ذریعے حل کریں۔
امریکی محکمہ خارجہ کی جانب سے کہا گیا کہ مودی حکومت نے مقبوضہ کشمیر کی حیثیت ختم کرکے جو گھناؤنا اقدام کیا ہے دنیا بھر میں اس پر گہری تشویش کا اظہار کیا جارہا ہے ، امریکی محکمہ خارجہ کا کہنا تھا کہ کشمیر کی صورتحال کا جائزہ لےرہے ہیں۔