کرکٹ کی عالمی جنگ چھڑنے میں صرف ایک دن باقی

 لندن (92 نیوز) کرکٹ کی عالمی جنگ چھڑنے میں صرف ایک دن باقی رہ گیا۔ آئی سی سی ورلڈ کپ کی رنگا رنگ افتتاحی تقریب آج ہو گی۔

انگلینڈ اور جنوبی افریقہ کے درمیان میچ سے ورلڈ کپ کا آغاز ہو گا۔ میگا ایونٹ میں پاک ویسٹ انڈیز میچ 31 مئی کو کھیلا جائے گا۔

 کرکٹ کا سب سے بڑا میلہ سجنے میں ایک روز باقی  ہے۔ شائقین کو کرکٹ ورلڈ کپ کے آغاز کا بے صبری سے انتظار ہے۔ کرکٹ مداح اپنے پسندیدہ کھلاڑیوں کو ایکشن میں دیکھنے کے لیے پر جوش ہیں۔

 قومی ٹیم ورلڈ کپ  میں شاندار انٹری کیلئے تیار ہے اور ماضی کی غلطیوں پر قابو پانے  کیلئے جم کر پریکٹس کر رہی ہے۔