کرکٹ سیریز کیلئے بھارتی بورڈ کے جواب کے منتظر ہیں : چیئرمین پی سی بی

لاہور (92نیوز) چیئرمین پی سی بی شہریار خان نے پاک بھارت کرکٹ سیریز پر بات کرتے ہوئے کہا ہے کہ پاکستان کی جانب سے ہمیشہ گرین سگنل ہے لیکن اب بھارت کے جواب کے منتظر ہیں۔ لاہور میں نیوز کانفرنس کے دوران شہر یار خان نے کہا کہ آئی سی سی ٹاسک فورس کوکچھ تجاویز دی ہیں۔ ساتھ ہی آئی سی سی کو بھارتی رویے کے بارے میں بھی آگاہ کر دیا۔ اگر بھارت نے سیریز کھیلنے پر رضا مندی ظاہر کر دی تو اچھا فیصلہ ہوگا اور اگر جواب نفی میں آیا تو مستقبل کی حکمت عملی طے کریں گے۔ انہوں نے کہا کہ دنیا بھر میں پاکستان اور بھارت کے مقابلے پسند کئے جاتے ہیں۔