کرتار پور راہداری ،بھارت کا سروس فیس کی شق شامل کرنے سے انکار
اسلام آباد ( 92 نیوز) باباگرونانک کی 550ویں سالگرہ پر کرتار پور راہداری کھولنے کے معاملے پر بھارت نے مجوزہ معاہدے کا مسودہ پاکستان کو بھجوا دیا، ہٹ دھرمی برقرار رکھی اور 20 ڈالر سروس فیس تجویز کرنے کی شق معاہدے میں شامل کرنے سے انکار کردیا۔
بھارت نے مجوزہ معاہدے کا مسودہ گزشتہ ہفتے پاکستان کو ارسال کیا ، بھارت نے پاکستان کی بیشتر شرائط تو مان لیں لیکن 20 ڈالر سروس فیس کا مطالبہ شامل ماننے سے انکار کردیا اور ساتھ ہی فیس کا اطلاق نہ کرنے کی تجویز دے دی۔
