کراچی ، گلشن اقبال میں 10سالہ بچی دودن بعد بھی لاپتہ
کراچی ( 92 نیوز) کراچی کے علاقے گلشن اقبال میں 10 سال کی بچی گھر سے دکان کیلئے گئی لیکن دو دن بعد بھی تاحال واپس نہیں آسکی ، والدین نے مقدمہ درج کرواتے ہوئے اعلیٰ حکام سے نوٹس لینے کی اپیل کردی ۔
گلشن اقبال سے 10 سال کی نادیہ لاپتہ ہوگئی ، پیر کی رات گھر سے دکان جانے کیلئے نکلی، لیکن واپس نہیں آئی ۔
معصوم بیٹی کی گمشدگی پر اہلخانہ غم کی تصویر بن گئے ، والد نے گلشن اقبال تھانے میں رپورٹ درج کروا دی ۔
پولیس کے مطابق اہلخانہ نے کسی پر شک کا اظہار نہیں کیا ، معصوم نادیہ کے والدین نے اعلیٰ حکام سے نوٹس لینے کی اپیل کردی ۔
