کراچی کے مختلف علاقوں میں کہیں ہلکی تو کہیں تیز بارش
کراچی ( 92 نیوز) کراچی کے مختلف علاقوں میں کہیں ہلکی تو کہیں تیز بارش کا سلسلہ جاری ہے ۔ آئی آئی چندریگر روڈ،لیاری، گلشن اقبال،گلشن حدید ،نارتھ نظام آباد ،بلدیہ ٹاؤن سمیت کئی علاقوں میں بادل برس پڑے۔
محکمہ موسمیات کی جانب سے آج دن بھر شہرمیں بارش رہنے کی پیش گوئی کی گئی ہے ۔ شہر قائد میں منگل کے روز ہونیوالی بارش کا پانی تاحال نکالا نہ جا سکا، مختلف علاقوں میں کیچڑ اور گندگی کے بھی ڈھیر ہیں ۔