کراچی کے علاقے گلستان جوہر میں فلیٹ کی چھت کا ایک حصہ گرنے سے تین افراد جاں بحق
کراچی (92 نیوز) کراچی کے علاقے گلستان جوہر میں گزشتہ شب فلیٹ کی چھت کا ایک حصہ گرنے سے خاتون سمیت تین افراد جاں بحق ہو گئے۔
جاں بحق افراد کی شناخت شیزا اورنگزیب اور عبدلہادی کی نام سے کی گئی۔ میاں بیوی اور بیٹے کی لاشوں کو قریبی اسپتال منتقل کیا گیا۔
اہل علاقہ کا کہنا ہے کہ جب زوردار آواز آئی تو انہوں نے متاثرہ گھر کی ڈوربیل بجائی لیکن کوئی جواب نہ آیا جس پر یونین کی موجودگی میں گھر کا دروازہ توڑا گیا تو اندر مکینوں پر چھت کا بڑا ٹکڑا گرا ہوا تھا۔
پولیس کی ابتدائی رپورٹ کے مطابق بیڈ روم کی چھت پر مرمت کا کام کروایا گیا تھا۔ ناقص کام او اضافی وزن کی وجہ سے چھت کا ٹکڑا مکینوں پر گر گیا۔