کراچی کا درجہ حرارت 11 ڈگری سینٹی گریڈ پر آگیا
کراچی ( 92 نیوز) کراچی میں رواں سال کا سرد دن ہے ، درجہ حرارت گیارہ ڈگری سینٹی گریڈ پر آگیا ، موسم کا حال بتانے والےکہتے ہیں آئندہ چند روز میں مزید ٹھنڈی ہوائیں چلیں گی۔
کراچی میں سردی کی لہر آگئی ، شہری مزید تیاریاں کرلیں ، کراچی میں بھی ملک کےدیگر علاقوں کی طرح ٹھنڈی ٹھنڈی ہوائیں چل رہی ہیں ، شمال مشرقی ہواؤں کے سبب درجہ حرارت تین ڈگری کم ہوکر گیارہ ڈگری سنٹی گریڈ ریکارڈ کیا گیاہے۔
ٹھنڈی ہواوں کے ساتھ موسم سرما جوبن پر ہے ، موسم کا حال بتانے والے کہتے ہیں آئندہ چند روز میں مزید یخ بستہ ہوائیں شہر کا رخ کریں گی ۔
محکمہ موسمیات کا کہنا ہے کہ آئندہ چوبیس گھنٹوں کے دوران موسم سرد اور خشک رہے گا۔