کراچی، پاک سرزمین پارٹی کے دفتر پر فائرنگ، دو کارکن جاں بحق
کراچی ( 92 نیوز) کراچی میں پاک سر زمین پارٹی کے دفتر پر فائرنگ سے دو کارکن جاں بحق جب کہ دو زخمی ہو گئے ۔
کراچی میں نامعلوم افراد نے رضویہ کی حدود عثمانیہ سوسائٹی میں پاک سر زمین پارٹی کے دفتر میں گھس کر فائرنگ کی ، فائرنگ کی زد میں آکر پی ایس پی کے دو کارکن جاں بحق جب کہ دو زخمی ہو گئے ۔
دوسری جانب ایڈیشنل آئی جی کراچی ڈاکٹر امیر شیخ نے واقعے کا نوٹس لیتے ہوئے رپورٹ طلب کرلی۔