کراچی میں گرمی سے اب تک 1203 افراد ہلاک ہو چکے ہیں: محکمہ صحت سندھ

کراچی (92نیوز) کراچی میں قاتل گرمی سے 1203 افراد کی ہلاکت کی محکمہ صحت سندھ نے تصدیق کر دی جبکہ وفاقی اور صوبائی حکومتوں نے ایک دوسرے کو ذمہ دار قرار دے دیا ہے۔ تفصیلات کے مطابق کراچی میں قیامت خیزگرمی سے متاثرہ مزید 27 افراد موت کی وادی میں چلے گئے۔ محکمہ صحت سندھ نے ہلاکتوں پر سرکاری اعدادو شمار جاری کر دیئے ہیں جس کے مطابق گرمی سے ہلاکتیں 12سو سے تجاوز کر گئیں۔ اعدادوشمار کے مطابق 20جون سے اب تک 1203 افراد جاں بحق ہوئے جبکہ حیدرآباد، تھرپارکر، ٹنڈوالہ یار، ٹھٹھہ میں 10 افراد نے دم توڑا۔ ڈائریکٹر جنرل محکمہ صحت سندھ کے مطابق کراچی میں گرمی سے اب تک ہلاکتوں کی تعداد بارہ سو سے تجاوز کرگئی ہے۔ کراچی میں سیکڑوں افراداب بھی سرکاری ونجی اسپتالوں میں زیرعلاج ہیں جبکہ اسپتالوں میں بدستور ایمرجنسی نافذ ہے۔