کراچی میں گاڑیوں کے پینل چوری کی وارداتوں سے شہری پریشانی کا شکار

کراچی(92 نیوز) کراچی میں گاڑیوں کے پینل چوری ہونے کی بڑھتی وارداتوں سے شہری پریشانی کا شکار  ہیں۔ عوام نے  پولیس سے موثر کارروائیوں کا مطالبہ کیا ہے۔ کراچی شہر میں گاڑیوں کا سامان چوری ہونا معمول بن گیا۔ گاڑی کی بیٹری اور ٹیپ ہو  یا پھرساونڈ سسٹم ،ٹائر اورسائیڈ مرر کچھ بھی محفوظ نہیں۔ کراچی کے مختلف علاقوں میں چوری ان بڑھتی وارداتوں سے شہری بھی پریشان ہیں۔ کہتے ہیں ایسی وارداتوں میں کچرہ چننے والے بچے اور پارکنگ مافیا ملوث ہو سکتے ہیں۔ شہریوں نے گاڑیوں کے پینلز اور دیگر سامان چوری ہونے کی وارداتوں کی روک تھام کے لیے پولیس کی جانب سے موثر کارروائیاں کرنے اور شہر میں زیادہ سے زیادہ سی سی ٹی وی کیمرے لگانے پر زور دیا ہے۔