کراچی میں کورنگی کے سندھ گورنمنٹ اسپتال میں جعلی ڈاکٹر کا انکشاف
کراچی (92 نیوز) کراچی میں کورنگی کے سندھ گورنمنٹ اسپتال میں جعلی ڈاکٹر کا انکشاف ہو گیا۔ علاقہ مکینوں نے جعلی ڈاکٹر کو پکڑ کر پولیس کے حوالے کر دیا۔
پولیس کے مطابق جعلی ڈاکٹر امجد 15 سال سے سرکاری اسپتال میں لوگوں کا علاج کر رہا تھا۔ جعلی ڈاکٹر امجد کا اسپتال کے برابر میں میڈیکل اسٹور ہے۔ جعلی ڈاکٹر سے تفتیش کا عمل جاری ہے۔
پولیس کا مزید کہنا تھا ہیلتھ ڈیپارٹمنٹ کو طلب کر لیا گیا۔ علاقہ مکینوں کا الزام ہے کہ مبینہ جعلی ڈاکٹر آٹھویں کلاس پاس بتایا جاتا ہے۔ ہیلتھ ڈیپارٹمنٹ کے جانچ کے بعد مقدمہ درج کیا جائے گا۔
