کراچی میں چند منٹوں کی بارش، کے الیکٹرک کا نظام جواب دے گیا

کراچی (92 نیوز) کراچی میں چند منٹوں کی بارش نے کےالیکٹرک کی کارکردگی کا پول کھول دیا۔ کے الیکٹرک کا نظام جواب دے گیا۔ بارش تھمے کئی گھنٹے گزر گئے متعدد علاقے تاحال بجلی سے محروم ہوگئے، لانڈھی، ملیر، کورنگی، قائد آباداور شاہ فیصل کالونی میں بجلی غائب ہے۔ کے ڈی اے اسکیم ون، گلستان جوہر، گلشن اقبال، عزیزآباد، لیاقت آباد کے مکین بھی بجلی سے محروم ہیں۔ شہریوں کو شدید مشکلات کا سامنا کرنا پڑ رہا ہے۔