کراچی میں پٹرولیم مصنوعات کی قلت ختم نہ ہو سکی

 کراچی (92 نیوز) کراچی میں پٹرولیم مصنوعات کی قلت ختم نہ ہو سکی ۔ شہر کے بیشتر فلنگ اسٹیشنز پر پٹرول اور ڈیزل کے اسٹاکس ختم ہو گئے۔ پمپس مالکان کا کہنا ہے کہ آئل مارکیٹینگ کمپنیاں ضرورت کے مطابق سپلائی نہیں دے رہی۔ سپلائی متاثر ہونے سے شہریوں کو پریشانی کا سامنا ہے۔ شہری آج بھی ایک پمپ سے دوسرے پمپ پر چکر لگانے پر مجبور ہیں ۔ جو پیڑول پمپ کھلے ہیں اور روزمرہ سے زیادہ رش دیکھنے میں آرہا ہے۔ اوگرا قوانین کے مطابق پمپس  پر 21 دن کا اسٹاک موجود ہونا چاہئے تاہم موجودہ صورتحال میں اس قانون پر عمل نہیں کیا جا رہا ہے۔