کراچی میں پولیس نے دو بھتہ خوروں کو گرفتار کرلیا
کراچی (92 نیوز) پولیس نے اقبال مارکیٹ میں کاروائی کرتے ہوئے دو بھتہ خوروں کو گرفتار کرلیا، جبکہ کورنگی کراسنگ کے قریب ڈاکووں کی فائرنگ سے دو افراد زخمی ہوگئے۔
اورنگی تھانہ اقبال مارکیٹ میں پولیس نے بھتہ لینے کے لئے آنے والے دو ملزم گرفتار کرلئے، ملزم اقبال اور بشیر نے غلام محمد سے 20ہزار روپے بھتہ مانگا، پانچ ہزار روپے وصول کر چکے تھے، باقی رقم لینے آئے تو پولیس نے دھر لیا۔
دوسری طرف کورنگی کراسنگ کے قریب ڈکیتی کی مزاحمت پر فائرنگ سے دو افراد زخمی ہوگئے، زخمیوں کو ہسپتال منتقل کیا گیا ہے جبکہ ملزم موقع سے فرار ہوگئے۔