کراچی میں پانی کی قلت کا مسئلہ پھرسر اٹھانے لگا
کراچی ( 92 نیوز) کراچی میں پانی کی قلت کا مسئلہ پھرسر اٹھانے لگا،شہری پانی کی قلت کے خلاف سڑکوں پر نکل آئے،احتجاج کیا اور پانی دو کے نعرے لگائے ۔
شہر قائد میں پانی کی قلت کا مسئلہ شدت اختیار کرنے لگے جس پر نارتھ ناظم آباد بلاک ڈی اور آر کے علاقہ مکین سراپا احتجاج بن گئے ، مظاہرین واٹر بورڈ کے خلاف احتجاج کرنے فائیو اسٹار چورنگی پہنچے اورخوب نعرے لگائے۔
مظاہرین نے بینرز اور خالی برتن اٹھاکر مطالبہ کیاکہ وزیربلدیات پانی کامسئلہ حل کروائیں ، علاقے کا پانی ٹینکر مافیا کو فروخت کیا جارہا ہے جس کی وجہ سے بوند بوند کوترس رہے ہیں۔
