کراچی میں لیاری کے علاقے عثمان آباد میں چھ منزلہ عمارت میں دراڑ پڑ گئی
کراچی (92 نیوز) کراچی میں لیاری کے علاقے عثمان آباد میں چھ منزلہ عمارت میں دراڑ پڑ گئی۔ مخدوش ہو جانے والی عمارت کو خالی کرا لیا گیا۔
مکینوں کے مطابق عمارت 6 سال قبل تعمیر کی گئی تھی۔ سندھ بلڈنگ کنٹرول اتھارٹی کی ٹیکنکل ٹیم نے بھی مخدوش عمارت کا معائنہ کیا۔ ایس بی سی اے حکام کے مطابق بلڈر نے تین منزلہ عمارت کی اجازت لے کر 6 منزلہ عمارت تعمیر کر لی۔
آئی جی سندھ سید کلیم امام نے بھی عمارت مخدوش ہونے کا نوٹس لے کر ایس ایس پی سٹی سے تفصیلات طلب کر لی ہیں۔
