کراچی میں سندھ رینجرز کے خصوصی اختیارات میں تین ماہ کی توسیع
کراچی (92 نیوز) کراچی میں سندھ رینجرز کے خصوصی اختیارات میں تین ماہ کی توسیع کر دی گئی ، نوٹی فکیشن بھی جاری کر دیا گیا۔
سندھ حکومت کی جانب سے جاری نوٹی فکیشن کے مطابق کراچی میں سندھ رینجرز کے اختیارات کی مدت میں 4 اکتوبر 2019 سے یکم جنوری 2020 تک کے لیے توسیع کی گئی ہے ۔ رینجرز کو کراچی ڈویژن میں انسداد دہشت گردی ایکٹ 1997 کے تحت چھاپے اور گرفتاری کے خصوصی اختیارات حاصل ہیں۔
صوبے میں امن و امان کو مستحکم رکھنے کے لئے رینجرز کو ہر تین ماہ بعد خصوصی اختیارات دیے جاتے ہیں۔