کراچی میں سبزیوں کے نرخ بڑھ گئے ، ٹماٹر کی سینچری
کراچی ( 92 نیوز) کراچی میں سبزیوں کی قیمتوں کو بھی پر لگ گئے ، ٹماٹر نے سنچری مکمل کرلی جب کہ ہری مرچیں 80 پر موجود ہے ، آلوپیاز کےبھاؤ سن کر شہری پریشان ہیں۔
کراچی میں سبزی کی قیمتیں بھی آسمان سےباتیں کرنے لگیں ، لال لال ٹماٹر کی قیمت سن کر شہریوں کے گال لال ہورہےہیں ، دوتین ہفتےپہلے تک تیس چالیس روپے کلو ملنے والے ٹماٹر نے سنچری بنالی ، سوروپے کلو فروخت ہونےلگا ۔
ہری مرچیں بھی شہریوں کو خوب مرچی لگارہی ہیں ، بیس تیس روپے پاو بکنےوالی ہری مرچیں کہیں 80تو کہیں سو روپے پاو مل رہی ہیں جب کہ ہرا دھنیا،پودینا جو کبھی دیگرسبزیوں کے ساتھ مفت مل جاتے تھے ، اب بیس روپے کی ایک گڈی دی جارہی ہے۔
بھنڈی توری ، لوکی ڈیڑھ سے دو سو روپے کلو میں فروخت ہورہی ہے ، کھانوں کو مزےدار بنانے والا لیمو ں بھی اسی سے سو روپے پاو بک رہاہے۔
کراچی والےکہتے ہیں ہر چیز کی قیمت کو آگ لگ رہی ہے ، کیا کھائیں ، کیانہ کھائیں ۔ شہری کہتےہیں لگتاہے کراچی میں سرکار ناکام کی کوئی چیز نہیں ہے ، کسی کےخلاف کوئی ایکشن لینے والا ہی نہیں ہے۔
کراچی والوں نےحکمرانوں سےمطالبہ کیاہے زائد قیمت میں چیزیں فروخت کرنے والوں کے خلاف کارروائی کی جائے۔