کراچی میں خاتون نے دو سالہ معصوم بچی کے ہمراہ چھٹی منزل سے چھلانگ لگادی
کراچی (92 نیوز) کراچی میں خاتون نے اپنی 2 سال کی معصوم بچی کے ہمراہ چھٹی منزل سے چھلانگ لگادی لیکن معجزانہ طور پر بچی کو علاقہ مکینوں نے گرنے سے بچالیا جبکہ خاتون کی بھی زندگی بچ گئی ۔
کراچی کے علاقے گلشن اقبال میں بلاک 13 ڈی میں خاتون نے 2 سال کی بیٹی سمیت چھٹی منزل سے
چھلانگ لگادی ، چھلانگ لگانے کے باوجود بچی کو معمولی خراشیں آئیں، جبکہ خاتون کی ٹانگوں فریکچر ہوگئیں ۔
خاتون کو بالکونی پر لٹکتے دیکھ کر علاقہ مکین پہنچ گئے جنہوں نے بچی کو زمین پر گرنے سے بچالیا جبکہ خاتون تاروں سے ٹکرانے کے باعث بچ گئی ۔
پولیس کا کہنا ہے خاتون نے پہلے شوہر کے انتقال کے بعد دوسری شادی کی تھی جبکہ پہلے شوہر سے 2 بیٹیاں اور ایک بیٹا ہے ، علاقہ مکین کہتے ہیں خاتون آئس کا نشہ کرتی ہے ۔
خاتون 3 ماہ سے گھر میں اکیلی رہائش پذیر تھی جبکہ 3 ماہ سے کرایہ ادا نہ کرنے پر مالک مکان نے نوٹس جاری کیا ہوا تھا ۔