کراچی ، قیوم آباد کے قریب چینی باشندے کا ٹریفک پولیس اہلکار پر تشدد
کراچی (92 نیوز) کراچی میں نو پارکنگ سے گاڑی اٹھانا ٹریفک پولیس اہلکار کو مہنگا پڑ گیا۔ قیوم آباد کے قریب چینی باشندے نے ٹریفک پولیس اہلکار کو تشدد کا نشانہ بنا ڈالا۔
قیوم آباد میں ٹریفک اہلکار نے نوپارکنگ میں کھڑی گاڑی اٹھانے کی کوشش کی تو چینی باشندے بپھر گیا۔ چینی باشندے نے جوڈو کراٹے کے وار کر کے ٹریفک پولیس اہلکار عامر کا حشر نشر کر دیا۔
ٹریفک اہلکار کو زخمی حالت میں قریبی اسپتال منتقل کر دیا گیا۔ کورنگی صنعتی پولیس نے ٹریفک اہلکار پر بدترین تشدد کرنے والے چینی باشندے کو گرفتار کر کے مقدمہ درج کر لیا۔
