کراچی ،غریب رکشہ ڈرائیور کے اکاؤنٹ میں ساڑھے 8ارب روپے ٹرانزیکشن کا انکشاف
کراچی ( 92 نیوز) جعلی اکاؤنٹس کےبعد بےنامی اکاؤنٹس بھی سامنے آنے لگے ، کراچی میں غریب رکشہ ڈرائیور کے اکاؤنٹ میں ساڑھے8 ارب روپے کی ٹرانزیکشن کا انکشاف ہوا۔ایف بی آر نے رکشہ ڈرائیور زور طلب خان کو نوٹس جاری کیا ، رکشہ ڈرائیور کے نام پر سالار انٹر پرائزز کے ذریعے کاروبار کیا گیا۔
کراچی میں فالودہ فروش کی طرح رکشہ ڈرائیور کے نام پربھی اکاؤنٹ سامنے آگیا جس میں ساڑھے 8 ارب روپے کی ٹرانزیکشنز کی گئیں ،ایف بی آر نے ٹیکس چوری اور مَنی لانڈرنگ کے الزامات لگاکر نوٹس جاری کردیا ۔
رکشہ ڈرائیور کے نام پر سالار انٹر پرائزز کے ذریعے کاروبار کیا گیا ، سالار انٹرپرائزز اور سالار مائننگ کے ذریعے 5 بینکوں سے ٹرانزکشن ہوئی ، رکشہ ڈرائیور کا اکاؤنٹ عمارخان نامی شخص استعمال کرتا رہا ۔
نجی بینک کی برانچ سے 4 ارب 60 کروڑ روپے اور ٹرانزیکشن 3 ارب 60 کروڑ روپے کی ہوئی ۔
رکشہ ڈرائیو کا کہنا ہے عمارخان نے اکاؤنٹ استعمال کرنے کا بیان حلفی بھی اس کو دیا ہے ، اکاؤنٹس کراچی اور بونیر کے بینکوں میں کھولے گئے ، ایف بی آر ذرائع کے مطابق رکشہ ڈرائیور کا بینک اکاؤنٹ استعمال کرنے والے عمارخان کو جلد نوٹس دیا جائے گا ۔
رکشہ ڈرائیور بونیر میں ہے اور اس کا کہنا ہے کراچی آنے کے بعد ہی اس سلسلے میں رابطہ کرے گا ۔